എസ്. ജയചന്ദ്രൻ നായർ

1939-ൽ ശ്രീവരാഹത്ത് ജനനം. തിരുവനന്തപുരം യൂണിവേഴ്സിറ്റി കോളേജിൽ വിദ്യാഭ്യാസം. 1957-ൽ കെ. ബാലകൃഷ്ണന്റെ പത്രാധിപത്യത്തിൽ പുറത്തിറങ്ങിയ കൗമുദിയിലൂടെ പത്രപ്രവർത്തനം തുടങ്ങി. 1961-ൽ കൊല്ലത്തു നിന്നും പ്രസിദ്ധീകരിച്ചിരുന്ന മലയാളരാജ്യത്തിൽ. 1966 മുതൽ കേരളകൗമുദിയുടെ പത്രാധിപസമിതിയിൽ. 1975-ൽ കലാകൗമുദി വാരിക ആരംഭിച്ചപ്പോൾ ആദ്യം സഹപത്രാധിപരും പിന്നീട് പത്രാധിപരുമായി. 1997 മെയ് മുതൽ ദി ന്യൂ ഇന്ത്യൻ എക്സ്പ്രസ് ഗ്രൂപ്പിന്റെ സമകാലിക മലയാളം വാരികയുടെ പത്രാധിപർ. പത്രപ്രവർത്തനരംഗത്തെ കെ. ബാലകൃഷ്ണൻ അവാർഡ്, കെ.സി സെബാസ്റ്റ്യൻ അവാർഡ്, എം.വി.പൈലി ജേർണലിസം അവാർഡ്, കെ.വിജയരാഘവൻ സ്മാരക പുരസ്കാരം (2006), സി.എച്ച്.മുഹമ്മദ് കോയ ജേർണലിസം അവാർഡ്(2008) എന്നിവ ലഭിച്ചിട്ടുണ്ട്.