arogya kayika samskarathinu oramukham

ഡോ.അജീഷ്.പി.ടി.

തിരുവനന്തപുരം ജില്ലയിലെ കള്ളിക്കാട്, മൈലക്കര പി.ടി. ഭവനിൽ എസ്.പ്രഭാകരൻ നായരുടെയും ജെ.തങ്കകുമാരിയുടെയും മകൻ. പൂഴനാട് എം.ജി.എം. ഹൈസ്‌കൂളിൽ നിന്ന് എസ്.എസ്.എൽ.സി.യും പൂവച്ചൽ ഗവ: വൊക്കേഷണൽ ഹയർ സെക്കൻഡറി സ്‌കൂളിൽ നിന്നും വി.എച്ച്.എസ്.സി. യും പാസായി. കാര്യവട്ടം ലക്ഷ്മിഭായി നാഷണൽ കോളേജ് ഓഫ് ഫിസിക്കൽ എഡ്യൂക്കേഷനിൽ നിന്ന് ബിരുദവും ബിരുദാനന്തര ബിരുദവും പൂർത്തിയാക്കി. കോയമ്പത്തൂർ ഭാരതിയാർ യൂണിവേഴ്‌സിറ്റിയിൽ നിന്നും എം.ഫിലും മധുരൈ കാമരാജ് യൂണിവേഴ്‌സിറ്റിയിൽ നിന്ന് എം.എ.സോഷ്യോളജിയും ഭാരതിയാർ യൂണിവേഴ്‌സിറ്റിയിൽ നിന്നും കായിക മനഃശാസ്ത്രത്തിൽ പി.എച്ച്.ഡി. ബിരുദവും കരസ്ഥമാക്കി. 2009 ൽ ഹൈസ്‌കൂൾ അധ്യാപകനായി ജോലിയിൽ പ്രവേശിച്ചു. ഗവ: ഹയർസെക്കൻഡറി സ്‌കൂൾ ആര്യനാട്, ഗവ:വൊക്കേഷണൽ ഹയർ സെക്കൻഡറി സ്‌കൂൾ,മലയിൻകീഴ്, ഗവ:ജി.വി.രാജ സ്‌പോർട്‌സ് സ്‌കൂൾ,മൈലം, ഗവ:ഹൈസ്‌കൂൾ, കരിപ്പൂർ(നെടുമങ്ങാട്) എന്നിവിടങ്ങളിൽ സേവനമനുഷ്ഠിച്ചിട്ടുണ്ട്. 2016 മുതൽ സംസ്ഥാന വിദ്യാഭ്യാസ ഗവേഷണ പരിശീലന സമിതി (എസ്.സി.ഇ.ആർ.ടി. കേരളം)യിൽ കായിക വിഭാഗം റിസർച്ച് ഓഫീസറായി സേവനമനുഷ്ഠിച്ചുവരുന്നു. കേരള സ്റ്റേറ്റ് പ്ലാനിങ് ബോർഡ് സ്‌പോർട്‌സ് വർക്കിംഗ് ഗ്രൂപ്പ് അംഗം, ഇക്വലൻസി സ്റ്റാൻഡിങ് കമ്മിറ്റി കൺവീനർ, സ്‌കോൾ കേരള നടത്തുന്ന യോഗ ഡിപ്ലോമ കോഴ്‌സിന്റെ ടെക്‌നിക്കൽ കമ്മിറ്റി അംഗം,സംസ്ഥാന യോഗ ഒളിമ്പ്യാഡ് കോർഡിനേറ്റർ എന്നീ നിലകളിലും പ്രവർത്തിച്ചുവരുന്നു.30 ലധികം അന്തർദേശീയ റിസർച്ച് ജേർണലുകളിൽ ലേഖനങ്ങൾ പ്രസിദ്ധീകരിച്ചിട്ടുണ്ട്. മലയാളത്തിലെ വിവിധ പത്രമാധ്യമങ്ങളിൽ 200 ലധികം അക്കാദമിക ലേഖനങ്ങളും പ്രസിദ്ധീകരിച്ചിട്ടുണ്ട്.
ഭാര്യ: ആര്യ കൃഷ്ണ, മകൻ: അർണവ്.എ, സഹോദരൻ: അജേഷ് പി.ടി.
മേൽവിലാസം: പി.ടി ഭവൻ, മഞ്ചാടിമൂട്, മൈലക്കര പി.ഒ., തിരുവനന്തപുരം
ഇമെയിൽ:ptajeeshpt@gmail.com