Ananthapuriyude Marakkanakatha Innalakal

‘രാജഭരണവും ജനകീയഭരണവും കണ്ടിട്ടുള്ള, തൊണ്ണൂറ് കഴിഞ്ഞ ടി.എസ്. വീരമണി അയ്യരുടെ നേർക്കാഴ്ചകളുടെ വിവരണമാണ് ഈ പുസ്തകം. ലളിതമായ ഭാഷയിൽ ആ ഗതകാലകാഴ്ചകൾ അതേപടി വായനക്കാർക്ക് മുമ്പിൽ അവതരിപ്പിക്കുകയാണ് ഈ പുസ്തകത്തിലൂടെ അദ്ദേഹം ചെയ്തിരിക്കുന്നത്. അനന്തപുരിയുടെ നേർക്കാഴ്ചകൾ അവതരിപ്പിക്കുന്ന ഇതുപോലെയുളള ചരിത്രകൃതികൾ വളരെ കുറവാണ്. പുസ്തകത്തിന്റെ ആദ്യഭാഗം അദ്ദേഹം ജനിച്ചുവളർന്ന കായംകുളത്തിനുസമീപത്തുള്ള നെപ്പാട്, ഏവൂർ ഗ്രാമത്തെപ്പറ്റിയുള്ള മനോഹരമായ വിവരണമാണ്. സ്‌കൂളിൽ കായംകുളം കൊച്ചുണ്ണിയുടെ ചെറുമകൻ ഹമീദിനോടൊന്നിച്ചാണ് അദ്ദേഹം പഠിച്ചത്. പിന്നീടാണ് അമ്മയുടെ വീടായ തിരുവനന്തപുരത്ത് വിദ്യാഭ്യാസത്തിനായി എത്തുന്നത്. പഴയ കാര്യങ്ങൾ അറിയാൻ പുതിയ തലമുറയെ സഹായിക്കുന്ന ഒന്നാന്തരം പുസ്തകമാണ് വീരമണി അയ്യരുടേത്.’ എഡിറ്റർ: മലയിൻകീഴ് ഗോപാലകൃഷ്ണൻ