Jalamsham

എം.പി. സുകുമാരൻ നായർ

ചലച്ചിത്ര സംവിധായകൻ, തിരക്കഥാകൃത്ത്, നിർമാതാവ്. കോട്ടയം ജില്ലയിൽ ഏറ്റുമാനൂരിനടുത്ത് മൂഴിക്കുളങ്ങരയിൽ ജനനം. അച്ഛൻ: പി. പദ്മനാഭപിള്ള. അമ്മ: പി. ജാനകിയമ്മ. രസതന്ത്രത്തിൽ ബിരുദം. ചരക്കുകപ്പലിലെ നാവികർക്ക് പരിശീലനം നൽകുന്ന കേന്ദ്രസർക്കാരിന്റെ കീഴിലുള്ള ഒരു വിദ്യാഭ്യാസ സ്ഥാപനത്തിൽ കുറച്ചുകാലം ജോലിചെയ്തു. പിന്നീട് പുനെയിലെ ഫിലിം ആൻഡ് ടെലിവിഷൻ ഇൻസ്റ്റിറ്റ്യൂട്ടിൽ നിന്ന് സംവിധാനം പഠിച്ചു. തുടർന്ന് ഫിലിംസ് ഡിവിഷൻ, ദൂരദർശൻ, കേരള ചലച്ചിത്ര വികസന കോർപ്പറേഷൻ തുടങ്ങിയവയ്ക്കുവേണ്ടി ഹ്രസ്വചിത്രങ്ങൾ നിർമിക്കുകയും സംവിധാനം ചെയ്യുകയും ചെയ്തു. അടൂർ ഗോപാലകൃഷ്ണന്റെ സഹായിയായി അനന്തരം, മതിലുകൾ, വിധേയൻ എന്നീ ചിത്രങ്ങളിൽ പ്രവർത്തിച്ചു. അപരാഹ്നം (1990), കഴകം (1995), ശയനം (2000), ദൃഷ്ടാന്തം (2006), രാമാനം (2009), ജലാംശം (2014) എന്നീ ഫീച്ചർ ചിത്രങ്ങളും പത്തിലേറെ ഹ്രസ്വചിത്രങ്ങളും ഡോക്കുമെന്ററികളും തിരക്കഥയെഴുതി സംവിധാനം ചെയ്യുകയും നിർമിക്കുകയും ചെയ്തു. നിരവധി സംസ്ഥാന, ദേശീയ, അന്താരാഷ്ട്ര പുരസ്‌കാരങ്ങൾ നേടിയിട്ടുണ്ട്.